السبت، 20 فبراير 2010

مين الصح







احيانا كتير بفكر هى ليه الناس اتخلت عن مبدئها
ليه الانسان بقى غبى
ليه لو واحد من الشباب حب حبه ده مش بيتقدر
احيانا كتير لما بفكر فى الناس بلاقى نفسى كأنى قديمه اوووووووى
وعايشه فى عالم والناس كلها فى عالم تانى
واسئل نفسى هو انا الغلطانه ولا هما
هو انا مش فاهمه الدنيا يعنى ولا الناس هى اللى غلط
حاسه انى فى عالم   وباقى الناس فى عالم تانى
بس اللى انا واثقه منه انى صح حتى لو كتير اوى غلط
لان العقل والمبدئ بتقول كده
يعنى لما اقول ان البنت متديش رقمها لولد حتى لو بتحبه ابقى انا صح
لما اقول ان البنت متخرجش مع ولد طالما مفيش حاجه تربطها بيه ابقى انا صح
وغيرها وغيرها من اللى بقى بيتقال عليه عادى
هو ليه احنا بنقول على الغلط والعيب عادى
هو ليه احنا بنشتكى من المجتمع والحكومه والنظام واحنا اصلا من جوانا مش صح
هو مين الصح انا ولا الناس

هناك 7 تعليقات:

  1. الغلط بقى منتشر والناس اتعودت علية بالتالى لم حد يكلم فى الصح بيكون هو الغلط والناس تستغرب من كلامة عشان بقى شاذ وخرج عن القاعدة الاساسية


    اللى بقت عادية ومتعارف عليها فى هذا الوقت

    ربنا يصلح الحال

    مع خالص تحياتى

    ردحذف
  2. انتى صح جدا

    افتكرى دايما

    من ترك شيئا لله ...عوضه الله خير منه

    ربنا يسعدك ويثبتك على الحق يارب
    تحياتى
    ولنا عودة
    شاب فقرى

    ردحذف
  3. صحيح
    حتى لو احنا وحشين من جوا وحالتنا زفت
    لازم نفكر فى بلدنا
    مش عشان احنا وحشين خلاص بقينا مش ولادها
    او عشان احنا بنغلط فى حياتنا الشخصية يبقى خلاص منستاهلش نطالب بحقنا

    فى فرق :)

    تحياتى
    فقرى

    ردحذف
  4. انتي الصح طبعا

    للأسف الحياه دلوقتي بقا نادرا لما تلاقي فيها ابيض و اسود .. بقت مليانه باللون الرمادي

    و المشكله ان فيه ألوان تانيه كتير .. و كل واحد مش ثابتله على لون .. بيتغير بحسب الظروف و المكان

    على اي حال .. بجد كلامك مؤثر و احساسك عالي و شكلك تعرضتي لموقف ضايقك قريب

    معلش .. استحملي

    بجد اتشرفت بيكي و اتمنى اشوف تعليقك على مدونتي المتواضعه .. بس من غير تريقه .. عشان لسه مدون مبتدئ :(

    http://ahmedabdulmohsin.blogspot.com/2010/01/blog-post_25.html

    شكرا لوقتك

    ردحذف
  5. احنا بنفكر غلط فى بعض الاحيان

    بس انا هقولك على حاجه
    زمان ما كنش حد بيدى ارقامه مثلآ لحد عايزنى اطلبنى من أبويا صح ؟
    طب دلوقتى احنا بنعمل ايه
    احنا بندخل من الشباك وصدقينى لو كان الباب مفتوح او فى ايد حد ان يدخل من الباب كان عمل كده
    لكن كتير اوى دلوقتى بيدخل الاول من الشباك لحد ما يبقى قادر يدخل من الباب

    يمكن غلط بس اللى شايف الصح يعمله ولو على رقبته

    ردحذف
  6. السلام عليكم موضوعك جميل بجد بس الناس من كتر الضغوط بتتغير قوى وبتتغير للاسوء بسبب كل الظروف ونصيحتى لو انتى صح خليكى كدة يمكن غيرك يتعلم منك وربنا يهدى الجميع اللهم امين يارب العالمين

    تقبلى مرورى

    heba

    ردحذف
  7. كله صح بس الاساس اللى بنيقيس عليه هو اللى يختلف من واحد للتانى ومن وقت للتانى يعنى الحكاية نسبيةى من الاخر اللى انا اشوفه غلط غيره بيشوفه صح

    ردحذف