مين الصح

احيانا كتير بفكر هى ليه الناس اتخلت عن مبدئها

ليه الانسان بقى غبى

ليه لو واحد من الشباب حب حبه ده مش بيتقدر

احيانا كتير لما بفكر فى الناس بلاقى نفسى كأنى قديمه اوووووووى

وعايشه فى عالم والناس كلها فى عالم تانى

واسئل نفسى هو انا الغلطانه ولا هما

هو انا مش فاهمه الدنيا يعنى ولا الناس هى اللى غلط

حاسه انى فى عالم   وباقى الناس فى عالم تانى

بس اللى انا واثقه منه انى صح حتى لو كتير اوى غلط

لان العقل والمبدئ بتقول كده

يعنى لما اقول ان البنت متديش رقمها لولد حتى لو بتحبه ابقى انا صح

لما اقول ان البنت متخرجش مع ولد طالما مفيش حاجه تربطها بيه ابقى انا صح

وغيرها وغيرها من اللى بقى بيتقال عليه عادى

هو ليه احنا بنقول على الغلط والعيب عادى

هو ليه احنا بنشتكى من المجتمع والحكومه والنظام واحنا اصلا من جوانا مش صح

هو مين الصح انا ولا الناس

كلنا نخطئ

كلنا نخطىء

كلنا نخطىء لكن احيانا لاندرك حجم اخطاءنا الا بعد حدوث المشكله

وكلنا نخطىء لكن يصعب علينا الاعتراف بلخطئ او حتى الاعتذار عنه

احيانا تصير المشاعر جافه من قسوه انفسنا على انفسنا ويتسبب لدينا خوف لا ندرى ما هويته

نرى الاشخاص من حولنا صموت وصمود مثل الجبل والكل لا يستطيع اختراق

نبحث عن اشخاص تدوى جروحنا رغم علمنا بأننا القادرون فقط على ان نضمدها

نجد من نحب ونخشى الاعتراف بلحب (لماذا وقد وجدته)

بعد الحب يأتى دور الجرح وينغلق الباب امامنا

ولا احد يجيب

اسوء شىء فى الحياه

اكتر حاجه ممكن تكون سيئه انك تحس انك لوحدك

والاسوء لو حواليك ناس ومش حاسيين بيك

والاسوء من كل ده انهم يكون بيزودوا الاحساس ده

انا شخصيا دى اسوء حاجه ممكن تقابلنى

لما اكون لوحدى محتاجه حد يكون جنبى

يقولى انا حاسس بيكى بس من غير ما ينطق

نفسى اكون مدايقه والاقى حد اتصل بيا يقولى مالك

ايه اللى مزعلك

طبعا مش لازم الشخص ده يكون حبيب

ممكن صحبه ممكن اخت ممكن حتى امى

لكن فى النهايه انت لوحدك

ولازم تعترف بده

تفتكرو ازاى نتخلص من الاحساس ده؟

اول رساله

سلامو عليكو
مفيش خواطر ولا شعر هنا فى فكرى
ودماغى هنا حفضفض معاكم
حقول اللى فى قلبى ومش حخبى عشان كده سميت مدونتى
مجهوله